終於講咗
29/10/12 星期一
今天間中有雨
公事迷思纏繞兩日後，今天特地提早回公司，
因為思前想後，還是決定跟大姐說說自己有意欲想調組的念頭~
返去開電腦睇番星期五客人過來的電郵~
沒大事發生~即是可以有時間跟她說了~
好~~其實由九點十分到九點三十五分~這段時間是非常長久的….
心入面不停淆底…..究竟講好定唔講好~
同組拍檔及好同事~分別在自己msn online時第一時間問自己…講咗未？
當然果刻係….未呀…好無guts!!!!!竟然想唔講…但個心肯定後悔死…
一直徘徊幾時講先好的狀態……
好同事話…快d去講喇…又唔係叫你示愛………….怕乜…
最多唔批你過檔啫……唔批咪當無呢件事發生..繼續留番喺度做囉……..
又係喎…….
好~一鼓作氣走去大姐個位前面講…
「其實有關內部調組，你可以揀我架！」
「吓..你想調組？」
「係呀！我想去果邊幫手學新嘢…」
「但你先知平時d文件放邊~剿得又快…….用電腦你又最熟手…download嘢又好清楚知點點點….」
「我想知可唔可以唔調阿K..調我過去咪得囉…你都係要一個人過去幫手啫….」「一係調我留番K跟你囉….」
「咁K識唔識平時你跟開d嘢丫？」
「我目前手上跟既嘢都七七八八~又未開新季….同我放d嘢好整齊..好難易剿啫..同如果第時真係剿唔到..你咪叫我過黎幫手搵囉..」
「d電郵都無cc你..你點睇到啫..？」
「咁你到時cc我咪得…….」
「我要同K傾下先…」
「K同我夾咗話咁樣ok架喎…可以互調..」
「咁我要請示番呢組大佬..同老細先得喎…..要經好多重approval….同星期五都confirm咗調K架嘛…宜家又要重頭黎過…」
「你試下先喇….」
喺上面個對話..&
#22909;明顯大姐係留難我..唔想我調組…..
同一開始行去佢個位度話我想調呢件事…佢係O咀….
完全無諗到下面有個人係想主動要求調走…平時我估佢都係預調人走…多過自己話走囉…………
大姐..我就係咁估你唔到架喇…..跟咗你咁耐..你仲唔知我係乜人咩….????
我覺得好悶呀..好想學新嘢..查實我由今年四月開始就好想唔做辭職架喇…無工請我我見唔啱先留喺度架咋………….
宜家擺到明你想架空我囉…平時係咁俾d雞碎我做…..
K都睇唔過眼點解我可以係閒人…而要老點佢…做到佢氣咳…..
家下仲係揀調走佢唔係我…
我心入面有dd感激你咁睇我既……….起碼你保我先喇~
但係..我真係想調組..你俾我喺另一組發展喇~~~加班都唔緊要架!!我要新衝擊架…
橫掂一開始,我都係等到出年新年出埋雙糧就諗轉工…..
你宜家調組,名義上係暫借三個月,,,但三個月之後有無得調返黎.係未知之數~~~
K係呢度年資比我長..佢真係做到無得做…唔會好似我咁心野架….
如果我真係入咗呢個地獄,無所謂~我絕對捱得住~
反正到時都係出年諗走人~
如果出年果邊睇得起我~或者仲有好發展呢？
點解要留住我唔俾我出去喎……..???
結果大姐話同大佬再傾期間~大佬好快咁出咗個內部調職電郵俾全組同事~
佢覺得我同佢講…太遲!
我點知你突然話要抽人走喎……….
我都要時間諗下調唔調架嘛..我好快架喇…
自己組大大唔俾我轉….
咁我唯有外求果邊大大~等K同佢傾下…俾唔俾用我留佢喇~~~
聽日先有消息………….
好定壞~
我都叫講咗喇~唔後悔!!
表達咗自己心入面諗法~~
ৎ
5;到今日先知..原來有嘢屈喺心…喺諗梗講同唔講之間..果下真係好鬱悶…
如果最後決定講,又要需要勁大勇氣~~!!!!
尤其係果一秒,決定最後選擇講…
如果俾人士阻一阻..果下真氣即時泄……..就要再好長好長時間拎番果下感覺架喇……
真係難受…尤其係未講果刻好難受…
今日終於經歷過~
但講完即時豁然開朗好輕鬆!!!!!!
好在唔駛我示愛….唔係死得
我果時都好叻~d人同我表白果時…姑勿論接唔接受….我都係讚佢先~~..嘩~~你好勇呀！咁大膽!!!
我有先見之明………….
哈哈~好自負呀我……
希望聽日有答覆喇~~~