2011年回顧

31/12/11 星期六

今天天晴~清涼~

已經有幾年沒有在此處記下年度回顧

因為工作後的生活跟讀書時的很不同,

對自身的衝擊不算少,但始終模式是相對來說較穩定

故在欠缺行動力下拖下拖下又無再打喇~

但今年完成的目標較多~所以都記一記~

第時老左睇番都可以笑下丫嘛~~

學業

首先係苦讀,其實係hea下hea下咁讀的,因為自year 1見到gpa後…..已經知道grad的時候個gpa..點努力都同outstanding追唔到…因為..我竟然係反而可以收到學校封信..話你知..如果你下個學期的gpa唔過2….咁你可以byebye唔駛再讀的話….有數得計之下,仲點可以話你個gpa係3年後可以勁高？

查實為左讀好呢個課程.我係決定留喺目前公司三年唔轉工,因為要保証有一個工作環境係唔影響我上堂讀書同考試呢d~

咁三年前的一個返學校讀書決定,到今日,就叫完成喇~~順利畢業達標！

事業

由於為左要讀書,所以對公司上的工作量,係用ok交足貨形式運作,無寄望話要點….但估唔到3月的評核..(其實係4月…)又成功爭取到升職喎！加人工就……6月公司的變動…相對黎講就加左的人工…又變番同大圍調整了……..

但總之叫升左職,都ok喇~~

健康

今年持續耐不耐做運動,跑下步.但唔好彩竟然年尾就整傷左隻腳….好彩無傷到骨.用左兩個幾星期就叫完全康復喇~~~!仲有係之前跑步無過冷河,反而感冒中招….下次識點跑了~~

游水都有做的~但無想像中咁多~飲食持續清淡的~所以都係健健康康為我人生首要~~!

愛情

今年交白卷喇~~始終希望對方係好了解我性格…唔係求求其其話悶就一齊……..如果係咁…我情願自己一個人仲好~

其他

去左沖繩玩自駕遊~超開心！呢個地方好正~一定要再自己渣車去玩多幾次先得！100% like!!!!
</sp

an>

少林寺都去左~但…好憎鄭州呢個地方,係當地的人….好令人生厭….唔會再去….

2012年寄望

事業

希望12年可以成功做到自己一盤小小生意~所以要放好多時間去做一份詳細計劃書,計好條數點..好希望今年可以起到壇成形喇！

另外要轉工,唔可以喺同一個地方逗留太耐,四年半應該要停一停,去另外一個新環境認識新人同事

學業

今年唔會再讀一d要幾年的課程,但可能會報番一d外語課程讀…再剿下先決定

愛情

次序永遠最低,一d唔係咁可以由自己完全掌握的事物,放最後,真係要遇到一個知對方諗法的人…其實我要搵soulmate….精神上支持到我就得,行動呢….我一向都好獨立唔駛下下要人陪…都唔知係咪咁先影響到遇到的人的性格唔係我心入中的…？從來唔係小鳥依人型…..

2012年喺我人生第三十個週年,低調行事係今年作風！

希望今年可以充實同精彩喇！

好多謝一直支持我的各方好朋友~謝在心中