計劃假期

      嗯…我都知呢種話題多少有種「摟打」feel，不過我發覺真係要 plan 下。公司個 policy 係，每年 1 月 1 日就會將全年假期 count 晒俾你，當然如果前一年仍有假未放完帶過來可以一齊計，但係三月尾時 balance 必須 <= 30 日。舊年我間唔中出 trip 都放下假，無諗到今年 check 下先發現有成 41 日，研究一下先知原來舊年好多所謂放假根本就係紅日開工的補假（係海外出差唔覺的），即係話三月尾前我至少要放 11 日，但眼下都已經一月中真係有多少頭痕…

      同一 D 朋友仔 brainstorm 過，我原本考慮過請 3 星期假去南美，但觀乎大部份經驗人士都起碼去一個月，諗諗下又唔掂。唔知點樣無意中有個北極光的話題，的確呢種自然奇景呢世人都唔多機會見得到，況且真係要極地先見得到，年老應該無咩可能頂得住（芬蘭同事話佢國家北部係 -30 ~ -20 度，加拿大 Yellowknife 我琴日睇 online weather report 話係 -35 度 =.=）。我其實好想去，應該要諗下三月份有無可能去得成，始終 2013 下半年到 2014 上半年受活躍的太陽粒子影響令極光出現頻率增加，叫做無咁大機會食白果囉。

      開始上網做多 D 資料搜集，期望可以如期出發…