收爐

　　OD 又發神經一排，我完全 login 唔到，再加上生活實在累人，我確實無花咁多時間去思考自己做緊乜。（頭先再試竟然 login 到，立即寫返先 :P）

　　公司終於正式宣佈在香港的鴻圖大計告吹（我見咁耐無郁手早知道係咁，只爭在有無人正式地做「宣之於口」的動作），要繼續發展的話，一係離開公司，二係 relocation 去第二個有相同部門的國家，第三係調職至其他香港有 operation 的部門。目前離開公司對我來講仲係比較早，我希望可以做多幾年先；Relocation 選擇不多，美國我唔想去（因為我已經去過當地兩個 sites，人事一樣複雜而且我感到個 working culture 係我所唔喜歡的），台灣／比利時／芬蘭離市區太遠（老實講全部都遠，但一個人去仲要咁遠我怕會抑鬱都似），新加坡同而家同一個老細我更加唔會考慮，所以我選擇申請調職。

　　經歷多個晚上與美國某些大佬爭取後，成功得到一席位去 Seattle 進行 training，而該 training 係與我想調過去的部門有關，絕對算係加分之舉。再加上獲得總公司內一位之前同我合作過的 project manager 幫忙令我可以到總公司與其商討明年 Q1 project 兼且獲其引薦到各部門大佬，我深信職場上的人際關係多少都會影響到我調職的舉動。（竟然有幸獲其中一位 project manager 邀請到家中作客 Thanks Giving Dinner，第一次試到咁 local 的過節感覺！）

　　而我及另一同事都已正式申請調職，我老細當然知道，但佢唔會阻止到我（事實上佢應該一早睇得出我好不滿佢之前 D 安排），我想調任果邊的新加坡同事亦協助我準備 interview，而對家的 project manager 亦多次出面向我老細「要人」去幫忙做佢部門的工作。短期內我已完成 interviews 及至少三次出差幫忙，期望可以能通過調職申請。

　　呢一刻都 22 號，基本上係等收爐，然後同女友去一次聖誕旅行，儲落 D 酒店積分同 flight mileage 總算用得著（如果唔係咁我應該唔會聖誕節咁貴都去 :P）