失望

　　即使係大公司，制度幾好，當要出事時點都係會中招的。當上星期知道老細無打算幫我提呈升職時，果下真係徹底死心，唔係我唔願意等多半年（佢聲稱半年後 review 時應該會合資格），而係我唔願意相信半年後會有咁樣的機會。我明白人總係自私的，如果 "do me a favour" 會對佢自己事業產生影響，就算機會幾低都好佢都唔想見到，所以我完全理解，過往佢教落好多我自問受用不少，算扯平吧，剛好有第二個部門香港請人，或者我應該要試一試 internal transfer。

　　同一位台灣同事分享經歷，佢好驚訝我竟然唔能夠係呢次 performance review 中升級，嚴格係件好事，但而家個情況就好似係佢劃一條線係個司令位要我按果個標準行事，不過我其實只不過係個打算晉升連長排長等低級職位的下屬，呢一年來好盡力去做，即使獲得多方讚賞但係仍然闖不過呢一關，算喇…我都相約好隔離部門的 APAC 大佬去商量一下，好在我經常協助佢班下屬在香港的工作，唔少 PM 級以上的人都知我係邊個，期望可以搵到多少機會。有人曾勸我轉工，但我暫時仍然想係度做多幾年先。