盜用

　　終於去銀行取回新信用卡，希望日後唔好有手尾跟。話說我上個月再到日本公幹時，某日半夜突然收到 card center SMS 話我有單筆簽賬超過港幣兩萬！！前前後後加埋碌走成九萬銀，但我張卡明明無咁多信用額都唔知點解 hold 得到 limit。

　　半夜三更都要打去 card center 問清楚，而且由於件事剛發生所以打去立即否認有簽卡應該講得通，但前前後後都講足成個鐘電話（漫游…Orz），立即停卡（後來 card center 話仍然有其他簽賬出現不過早就被 decline）。

　　成件事我最唔明到底係點樣被盜用，果張 card 我實際上應該有大半年無係街用，網上使用都只限透過銀行 e-banking website 去做日常繳費，諗來諗去都唔清楚點解會偷到資料，R 爆頭….