九日假期

　　每年新年，呢間公司例牌多送 2 日大假（不用扣 AL），同舊年一樣農曆紅日都係星期一至三，於是好順便地就送星期四五，連同頭尾兩個周末就係九日假期，印象中讀完中學之後都未試過咁 😛

　　出來打工後就知道新年無乜特別，我冇做過大公司或者多人的公司，好似黃頁厚的一大疊利是我唔會有得收，亦唔想俾咁大舊錢人賺所以唔去旅行。不過就已經準備好來緊復活節假期再去日本，無意中俾我搵到超特價組合，五千蚊買張飛東京的 business class 機票（其實都可以叫做頭等，因為美國航空公司係無分 business 或者 first 的），老實講飛東京 economy class 正正常常係復活節都要至少三四千啦，女友又未試過坐呢 D，就送佢呢個當係生日 + 情人節禮物。之前一路去唔成的箱根，好希望可以係復活節假去浸一次溫泉…

　　兔兔 Mary 前幾日跌傷腳，一直未見好，好彩動物診所只休年初一，我可以約到初二下午帶去睇下醫生，見佢呢幾日都減少活動其實我係有 D 擔心….