又第一次

    終於搞掂保險同轉名，架 Nissan March 終於變成名下的財產。因為學車時係學貨 van 的關係，取車時找個朋友教下路，研究下點熟習私家車個視點及操作技巧。

    今日本身係荃灣開工，車房又係荃灣，原先打算叫同事帶路一齊返去（佢住係我屋企附近，之前又住荃灣所以熟路），點知後尾佢話早放工索性返佢阿媽阿爸係荃灣屋企坐下，於是變成我一條友自己開車返去粉嶺。車個同事返去麗城，非常不幸地就中招，禁區上落客盛惠四百五十大洋~~第一日出車就食牛肉乾，好慘

    話時話，係無人帶領下由荃灣開車返去粉嶺咁長程真係好驚險（我記得有一次切錯線 :P），不過總算成功無穿無爛返到屋企…