買車

　　正常學完車，頭一年 P 牌都未必會真係去用車，原因之一當然係限制多多，而且一出麻煩事就會好易被 extend，當然保險因素亦要計算在內。不過我係想盡快練熟佢，萬一有機會之後出差或旅遊用到時唔會太生疏，係一位有經驗朋友介紹下今日終於去到車房睇一架之前介紹的車。

　　對於實用型的我來講車唔駛好型，機件操作正常唔好有暗病重要 D，當然價錢都係一重大考慮，所以開始時訂出大約 2 萬為 budget，不過今次朋友介紹呢架車就因為驗完車唔算耐，亦無乜需要執，慳落來筆錢都容許買架貴少少的。曾經有第二 D 朋友係我未親身去睇時話架車好細未必適合我（鬼叫我肥 =.=），所以試座位舒適度就係其中一個重點評估。架 Nissan March 2002 年版係有 D 舊但仍算正常操作，於是就直接 confirm 落訂，第三保方面好彩有細妹做緊果邊的 staff price，免除幾千蚊的新牌人士 extra 保費（出面有 D 直頭唔肯保新牌仔添），又係慳返唔少，等星期一搞掂保險的確認後相信星期三就可以交車。

　　今次買車其中趣事係，我睇架車牌簿時，上手車主個中文名竟然係叫「梁詠琪」（寫法一樣），咁當然無可能係大家所知的果一位啦，哈哈~~