聖誕 + 新年

　　呢個聖誕 + 新年檔期可謂平淡至極，原因一字咁淺：病…去日本旅行 last day 我開始病，但些小傷風感冒頂多係咳一排（我覺得打流感針應該係有幫助，令我不至於發到好大病）。不過女友就大件事，之前公司有免費流感針俾佢又唔去打，結果聖誕節前幾日就來料，先係普通傷風流鼻水，繼而去到聖誕正日發燒，睇一次醫生都無用，boxing day 連講說話的聲線都無埋，要睇多次醫生加加加重藥先好返 D。直到今日…把聲仲未回復正常，女友話自己平時好少病一年總會有一兩次咁嚴重（又真喎，同佢一齊呢幾年每年梗有 2 次咁勁，今年只係一劑算唔算少？ XD），但撞正呢 D 大時大節真係冇晒氣氛啦，連出去被人「掠水」的機會都無…

　　結果呢幾日，最多做的事就係對住屋企幾隻小動物同埋張床…