兩手準備

　　話說同老細的一對一談話中，我再次肯定了這種情況下事業沒有往上爬的空間的事實。主要問題只係在於佢對任何錯誤零容忍，要求高唔係壞事，我自覺都會有所得益，但如果每個 cycle 的 performance review 都會因為初次發生的小錯失而被扣分，基本上我可以肯定呢世我都唔可以諗升職呢回事，因為我唔覺得有人可以全天候零錯誤。星洲新 site 的起步 project 由原本我能擔當一重要角色，又降格為普通的 helper（佢話都係要留返俾新請的星洲 local 同事喎），我更覺得離升遷的道路更遠。有同事說繼續做當拎份人工就算，我明佢諗法，只係我唔甘心…

　　偶然之下今日有機會同一位之前同部門但屬台灣 team 的同事，佢年零之前轉了 team，在香港的 projects 我亦有幫忙所以大家都算熟絡，向佢傾訴近日苦況，佢都認識我老細所以自然理解。由於佢果 team 人向來好忙，我探下口風睇下有無機會轉 team，佢亦透露話上頭有考慮係香港設立呢一個 post，我當然立即打蛇隨棍上再追問。呢位同事遲 D 應該會俾到更多指引我，亦願意係我真係想轉 team 時作引薦（不過佢條 team 上面兩個 managers 都識我，因為現時佢兩個係香港要人幫忙都一定只得我可以做到，我亦同佢好多 teammates 有公事上之往來）。暫時作兩手準備俾自己，過埋新年後睇下係咪真係要咁做啦…