新的臨時住客

　　前幾日，女友同佢朋友一齊去領養了兩隻熊仔鼠，其實係佢朋友想要兩隻但個義工話只可以一人一隻，所以女友住係負責去湊人頭的。因為女友驚我會傷感所以都唔太想之後繼續養鼠類，而我就未係好清楚自己個內心到底係點。

　　正因為代人領回，就有一隻熊仔鼠暫住屋企，我將以前個分隔籠拎返出來用，唔知珍寶同呢位「新房客」會有咩互動？結果當然係…無，大家各自做自己的事。新房客名叫 Thunder，又係過度活躍的鼠鼠，成晚跑跳都無問題咁。

　　話說之前四隻倉鼠都過身了，每次都傷心，但個人的平復速度一次比一次快；唔係感情淡了，而係某程度上大部份都係安祥地走總算有福氣，同埋 keep 住陪到佢走的一刻俾佢知道自己係有人錫的，算係我的最後心意，呢個比起簡單地講生命的長短更有意思。亦因為咁，我唔太抗拒再繼續養鼠類（始終貓狗等需要更多人的 attention 係我現時做唔到的），只係待我確定到會唔會去星洲工作時便會知答案。