又準備飛

　　我份人就係咁，愛胡思亂想，個人靜落來，見住屋企的小動物，其實氣都下了大半，所以都係繼續忙我應該要忙的事。黃金週長假最後一天，將會係半年度第二次飛美國，當然唔係去玩啦（我不知幾想），地點同上次唔同，係 Atlanta，但回程又同上次一樣會停日本，我其實好想係去程飛日本玩夠先去美國，咁樣唔駛請假，但代價係機票貴七千蚊 ；公司最新 project schedule 出爐，連埋即將上任的新加坡同事的 mentoring，就係做到去十二月囉，又無得放假，結果回程停日本實際只得一日。年尾前至少要放 6.5 日假先可以避免累積假期超過上限的 30 日，即係話要十二月放大假，好煩….因為另一同事年尾放假早就安排，老闆又回老家，不過我都同老闆講，上班以來兩年都未曾放過 2 日或以上的連續假期，暗示佢應該要俾 priority 我先…

　　講開無得放假，全因另一比較 senior 的同事轉 team 成功，加入了 program manager 行列，而本部餘下就只有我及一個 assistant。基於我工作性質特別，需要有 on call standby 的，那個 assistant 不能 on call，責任當然落在我身上，其實五月份時我已經試過連續 on call 6 星期了….津貼係有的，但總會感到不太自由。招募人手進行中，早幾日做了 2 人的 on-site interview，有一個表現不錯但缺乏 leadership skill，老細應該不會錄用，因為佢想新人能協助佢 handle 當老細出差時的行政管理缺口。其實而家見到的就有少少同前一份工臨尾好相似，唔同的只係老細決定請人前有同我溝通過，亦會顧及「空降」新人時我的感受。有台灣同事私下問我點解我唔係幫老細填補行政管理缺口的人，老細留意到我偏向技術層面居多而唔太多於行政方面著墨，不過我都理唔到咁多喇，事實上以呢個 role 再加老細的要求係好難搵到真正 match 的人，所以佢都尋求緊其他 site 的自願 relocation 人士，對我來講 internal transfer 過來我的感覺應該唔會比空降差吧。