印度

    最近兩星期又係 business trip 日子，地點係好多亞洲區同事都唔願意去的印度。平時印度相關的 job 都由一位馬來西亞同事包辦，但今次佢有其他事要做，我本著一世人點都要睇一次就自告奮勇~~目的地本來只係 New Delhi，後來又加入 Chennai，於是行程由一星期變兩星期…

    印度嘛，我都知比較落後，人係香港已有深切體會。話說上星期日晚本來要飛，係坐印度的 Jet Airways，但架的士唔爭氣居然搞到我起飛前 50 分鐘先到機場，本來都無乜問題，因為好多航空公司條死線設係 45 分鐘，理論上我 check-in 到行李就搞掂。估唔到個 counter 竟然一早收檔乜人都無，打電話去 customer support 竟然話星期日全日 no support？！呆等到起飛前 30 分鐘先收到登機閘前打來的電話同我講話我應該飛唔到，我夠知啦，如果你 customer service 有人聽電話令我知道 print 到 boarding pass 就衝到入來的話我實搵到 business center 印喎，最後一刻乜都做唔到先打來？贈興咩？

    改機票，第二日飛到首都 New Delhi，從機場坐車到酒店的 45 分鐘車程，我第一感覺就係好似返到去廿年前的中國，即使中國仍有好多地方係殘舊及發展中，但作為天子腳下的城市竟然都係咁真係令人摸不著頭腦。而附近環境之複雜，令我出來打咁多年工第一次出 trip 只會停留於酒店及返工地點之內。

    幾日之後就由 New Delhi 飛到 Chennai，Chennai 係印度比較南部城市，初時以為首都已經咁…..其他城市都會咁。估唔到有少少令人跌眼鏡，感覺各項周邊配套都比 New Delhi 做得好，唯一係無地鐵，但已經興建中。當然，係呢度我仍然係堅持逗留於酒店及工作地點 only…

    同司機交談，知道印度民眾教育水平極低，原因之一就係貪污。政府有提供義務教育，但唔賄賂人的話連入學機會都無，更加唔可能好似香港人家長咁話要揀邊間學校。試過有次司機因為違例泊車而被交警罰款，但係有分唔要告票的 500 盧比或者係要告票的 1000 盧比，明顯地無告票果種就會係警察自己「袋袋平安」啦。雖然我知係大陸不時都有類似事件，但國家首都居然都有呢種問題實在係顯出一國之無能。

    人民向錢看的態度其實可見一班，為免節外生枝呢段日子都只乘坐酒店安排的車輛（出面公共交通可謂慘不忍睹，以殘缺不堪的旅遊巴當做巴士，全部窗打開不能關，無冷氣，要知道 New Delhi 天熱時氣溫可高於 40 度！我從 Chennai 再回到 New Delhi 果晚已經入夜都熱到 38 度），但係同司機對話中聽得出係想游說你去買乜買物（十個司機九個會問你結婚未或有無女友）。曾經係 New Delhi「中伏」過一次，個司機三番四次話有時&#3

8291;應該去本地人常到的 local market 逛下，於是就打算去行十零廿分鐘，點知一落車已知唔對路，大量 private housing 圍繞的商店街又點可能係平常市民會來的地方？個司機一拉其中一家裁縫店的門（估計係認識的），店主先即時開燈開冷氣，並且落力 sell，我知道相比大陸來港自由行果 D，呢類店方索價不高，但絕對唔會係平民百姓所能負擔得起，所謂 local market 之言不攻自破。我都唔想爭拗，始終係陌生地方隨便買 D 就算，亦因為咁往後所有人問我的話都會答自己 single 兼無女友。係某 D 需要特別時間（例如半夜）開工的日子都會見到司機比較無咁健談（當然，所有店都關門仲可以帶我去邊？）。

    不過講到最唔喜歡的，當然就係蚊蟲多，衛生環境唔太好（Chennai 比 New Delhi 做得好 D），缺乏管理之樹木又多，自不然蚊蟲為患。好彩臨出發前買了防蚊貼，特別係我半夜開工的日子，D 蚊真係好似成舊雲咁飛埋來，都咪話唔嚇人…

    至於日後仲會唔會選擇來印度出差？我覺得唔係無機會的，但我比較 prefer 去 Chennai 多 D 囉。