感觸（二）

　　呢排有好多事發生，加上我不想在認識的人面前寫文，於是隔了一段時間才有機會靜靜的思考一番。

　　上文內的引文，由於部份事件遇現實有重疊（一位中學同學在我大學仍未畢業前因血癌過世）所以內心係有好大回響，可幸的是畢業多年來暫時每隔一兩年仍能找回十幾位各散東西的同學一同聚舊，而我自從中小學畢業後差不多每年都有返回所屬學校探訪，從中亦可以間接得知不少老同學的事蹟。

　　近一兩年，因為女友的關係，認識了兩位朋友。一個是數學奇人，中學奧數爆燈所以獲科大破格於 Assoc. Deg 中提拔；另一位是港大 Computer Science 博士生，對數學亦頗有研究，ACM 國際賽亦曾有份參與，據知我而家做緊呢間公司曾主動發信邀請面試但反被拒絕。呢兩個人的出現其實令我諗起一 D 憾事…

　　如果係我大學之後先認識我的人，應該唔知昔日的我最大專長並唔係電子工藝或電腦技術，而係數學。唔理公開試成績係點，好多當年的同學及老師都認定我係呢方面有過人天份，但就缺乏後天培訓。有一位中學同學曾經以古人王安石所著的《傷仲永》內的主角與我相比，認為我就好似文中主角咁，相隔若干年後就會變返平凡人。中三果一年，亦有老師「揀蟀」去參加奧數培訓，當時我無入選，原因不明，同學們亦覺驚訝，我當然只能繼續自己的自學，亦無特別再去爭取，只係眼見幾位被選中的同學似乎唔係特別對呢方面有喜好就好快無再見果幾位同學有乜特別參與。我唔可能自行評定，反正我知一山還有一山高，果個年代亦唔興父母為子女周圍撲，搵伯樂去「賞識」子女，事實上我爸媽只係平凡父母又點會識咁多呢 D，我無可能怪兩老的。不過見到眼前呢個人，可以一直追求當初的興趣，又能遇上欣賞自己的人，先係令我最羨慕，亦係最感嘆的事。

　　而我係大學的電子工程系讀到 year 2，因為同另一位好有熱誠同能力的同學仔以一個月時間做出平常 final year 學生需要 10-12 個月才能完成的 project 而受到該位 professor 的注意。以我兩個咁差勁的 CGA 的學生根本唔可能有機會係畢業後再上，但果位 professor 卻有打算破格收我們作為旗下的研究生。最終因一些誤會，與組隊的同學拆夥，於是碩士研究生之路從此消失。有時我自己都諗，如果當年繼續落去，到底而家會係咩光景？雖然而家可以繼續進修，但始終都唔係真正以研究為目標，而我亦知道無得再返入去啦，見到身邊有人達到我當年攀不上的高峰，難免會覺得有點稀噓。

　　至&#26

044;有否後悔以前無盡力爭取，多少梗有呢種念頭，不過現況的我經歷近十載捱騾仔總算搵到份 OK 唔錯的工作，叫比上不足比下有餘啦。假如有機會有下一代的話，我應該唔會俾同樣的憾事延續的（咁當然都睇個人意願）。