懷念米奇

　　考完車後下午去爸屋企幫佢搞下電腦問題，臨走前見到從前我家的米奇（是西施犬）的相片，日期是 98 年，原來已經係 14 年前，我記得當時佢來我屋企應該只係一年多 D，當時我中學都未畢業。

　　自從我讀大學住宿舍，之後又有爸媽離異，我都好少返過去爸果邊，每次返去都會去鄰居逗下米奇，而早年我已知道佢盲眼唔再見到我，只能憑聲吸氣味知道我存在。今日阿爸話，原來米奇應該兩三年前走吧，走之前都有一段好長日子係連聲都聽唔到，佢只能用鼻去辯識唔同人及物件，對狗狗來講睇唔到又聽唔到真係好慘。不過我信佢真係遇到個好好的主人，鄰居求助 SPCA 不果之後，決定每次出街都會帶米奇以免佢係屋企橫衝直撞無人知，而比較好彩係戶主兩公婆都係退休或家庭主婦所以呢個做法都唔會太影響日常生活…

　　假如當初交米奇俾我的人無講錯的話，米奇來我家時大約 6-7 歲，而米奇走果陣應該 17-19 歲，不過相隔多年再見返米奇的舊照，心裡頭始終有種怪自己唔能夠貫徹地養佢到終老的想法…