北美一星期

    又多了一些人生的「第一次」，其一當然是 6 月 2 日首次到北美洲，不過實情只是到 Vancouver 轉機到 Portland (Oregon) 而已，美國佬果種安檢比起之前去英國的更令人討厭，但都無辦法…

    另外一個「第一次」就係，初嘗坐 business class 滋味！！長途機來講我之前最多最多只係坐過 British Airways 的 Premium Economy，已經覺得比普通 Economy 好好多，今次憑藉之前公司 business trip 儲剩的 credits 可以買 business class，出發前已好多朋友 "warning" 話此舉會令人上癮。事實上，飛 Vancouver 的十二小時，真係舒服好多…我從不貪飛機上的吃喝，因為我去 business trip 早已有公司膳食津貼，難道想吃我不會自己買麼？！不過坐飛機喝酒卻又真係令我可以容易入睡的方法，jet lag 的警告都不管了（因為我是香港時間晚上起飛，抵步時間又是當地晚上，一般會建議盡量忍住做熊貓去到就訓得到），太舒適點可以唔訓覺，都叫小睡 4-5 個鐘，真係好正！！

    其實對於我呢種長期缺少睡眠的人來講，根本唔應該會受 jet lag 影響，就好似當年去歐洲一樣，只要一悶落來就自然會訓，所以係美國都一樣。不過美國同歐洲不同，歐洲大部份我會去的地區同香港只有 6-8 小時差距，但現在於美國西岸係有 15-16 小時差距！！最常見令我訓得唔好的原因都係…肚餓！！在美國的清晨 = 香港晚飯時間，結果就係第二日早上因為肚餓而醒…歐洲的話，香港晚飯時間就係對方 Lunch time，都係食緊飯又點會覺得有問題？！

    不過呢邊天氣就有 D 反常，正常 Oregon 的夏季唔應該咁凍，有日朝早跌到零度以下真係千古奇聞。我明白緯度高的地方就算夏天都唔一定好熱，但係同事話近日氣溫普遍比往年同期低十幾度就知一定唔對路。搞到我要準備衫都唔知點執好…

    美國呢邊地方比歐洲大得更多，對於我呢個無車牌人士根本係好大問題，淨係機場去公司宿舍都要 1.5hrs 車程，好彩我同我阿頭坐同一班機，但佢就變成柴可夫（謎之聲：居然要老細開車咁大膽？！），然後 weekend 我就要出返來 town 住，因為公司飯堂週末會收爐，留係入面我會缺糧。

    週末住係 Hood River 小鎮的一間 B&B，估唔到 B&B 數目如此之多，但都大多數爆滿，直到星期六下午先知道有 Cycling event，難怪咁難 book 房，我要玩到 last minute deal 先可以有個 below company cap 的 offer 去入住，總算暫時解決到今個 weekend，而下星期就會住另一個 area 的酒店。

    壞事一樁…就係我手上其中一支鏡頭出現局部損壞，上網查證過知道好多 owners 都有同類問題，而我係買入後三年半先出事已經算耐，據講維修費仲要千幾蚊…唉…我呢個 trip &#

20043;後仲會去日本，壞鏡你話我點算好？