告別蛇年

今日已經係年三十,話咁快又一年,上年的利是我都係前幾日先拆,聽日又開始逗利是了,以前細個好嚮往過年,一來可以逗利是,二來可以食好多平日冇機會食既野,三來以前過年氣氛好濃厚,真係有過節的感覺,近呢十幾年開始冇乜氣氛,拜年好似變左例行公事,可以話對呢個節日冇晒感覺!節日的意義好似淨番放假,今年連呢個意義都冇埋,我更加感覺唔到新年的氣氛!不過我都希望馬年可以有新的開始,快給我一點好運!

新年未到,就收到一個極壞的消息,呢個日記將會在短期內結束,隨住yahoo blog同xanga的消失,雖然已經有心理準備會有呢一日,但心裡總希望呢一日唔好咁來到,估唔到我不能在這裡度過十週年………雖然這裡最終都要消失,但我會永遠懷念這十年在這裡寫的一字一句,這裡給予我一個抒發情感的地方,期望有機會找到一個新的地方,讓將來的我能回味以往甜酸苦辣的日子。