大出血

今日係真正的「大出血」,朝早先去佐敦做保險公司兩年的例行婦科檢查,雖然要空住個肚,但我都要搭火車由紅磡行去佐敦,慳錢兼當做運動!去到先抽血,抽完即刻食野,起身開始就勁肚餓,捱得勁辛苦!之後都係例行檢查,唔駛好耐就走得。返去時又係去紅磡搭火車,之後就去那打素抽血,本來都擔心一日抽兩次血會唔係咁好,但出開街想攪掂埋佢,尋日去見工又冇得去,我唔想聽日年三十先去抽,過完年去又會多人,唯有今日先最方便!平時下晝去抽多數都唔駛點排隊,今日竟然要等成八個字,下次都係晏D先去!因為今朝用左手抽,呢次要抽右手,兩隻手都抽勻,今次驗既野又比之前多所以要抽多D,好彩我夠硬淨頂得住!不過之前有個妹妹就唔好彩,抽血時竟然暈低,估唔到抽少少血都可以攪到咁嚴重!

又要重新始搵工的行動,繼續努力!