小安慰

呢兩日都係補習,尋日接左份新補習,沙田補中二人文科,去到先知主要係補中史,未正式教過,不過初中應該唔難應付!今堂主要係同佢睇番份考試卷,憑我上世紀讀會考中史的記憶,加上教通識時的思考訓練,都算勉強應付得到,不過一定要加緊備課!今日收到agent電話,佢話家長都幾滿意我表現,總算給近排頭頭碰著黑的我帶來一絲安慰!一雞死一雞鳴,呢頭接左份新補習,另一邊林村個學生話要預備考試而唔再繼續補習,我都係第一次遇到d咁既人,我其餘d學生都會因為考試而加堂,佢竟然反其道而行,話要溫其他科,之前喊晒口話讀唔掂,而家考試殺到都可以將呢科放埋一邊,我真係冇野講,唔駛補呢份仲好,我就唔駛就時間就得咁辛苦,唔駛再比貓纏住,唔駛夜晚行條又黑又靜的路!

搵工路持續,漫漫長路,真係一場永無休止的持久戰