歡喜聖誕夜

好耐未試過聖誕節有咁豐富的節目…..朝早堂姐一家到來探訪,去左飲茶,堂姐就快嫁去美國,真係好唔捨得,見埋今次唔知幾時先可以再見!

夜晚去左大學同學Panda屋企的會所開聖誕party,有成二十幾人,不過我識既人五隻手指數得晒。起初都有d驚,咁多人唔識唔知會點,不過d人都好nice,好快就融入到佢地,仲識到新朋友!今晚勁多野食,有會所提供的到會,仲有主人家親自下廚大煮幾味,同埋唔同人帶來的自家製美食,仲豐富過出面的自助餐!食左勁多野,本來想再食多d甜品,但為左健康著想,都要忍下口!之後交換禮物,我抽中左份手部護膚品禮盒,今年收到的聖誕禮物都係護膚品,好實用!今晚玩得好開心,希望今晚的喜悅可以掃走近日的不快,我更希望今晚的旺氣可以為我帶來些少好運!

期待收到一份真正的聖誕禮物