黑開有條路

今日平安夜,不過對我來說一D都唔平安…..一個人黑起上來,真係乜事都會發生…….中午去補習,有個幾星期都冇補過習,而家係靠呢份補習撐住我份收入,其他的,不提也罷……補完返屋企,諗住將D衫拎出走廊晒,就在我離開門口短短兩秒間,度木門就毫不留情地被風關上,OMG,冇帶鎖匙在身,隔離屋有我屋企鎖匙的又剛巧不在家,我係咪真係黑成咁呀?明明冇乜風都會咁,最抵死係入左屋後打開門成個鐘都冇比風吹到閂埋,除左黑之外我諗唔到其他理由!好彩等左兩三個字就有人返來,如果唔係唔知要企到幾時!

如果黑仔事件能換來一絲好運,我願意再承受多些黑仔事件