未打先輸陣

今日要去城大考筆試,去之前先去中大印補習野,連埋自己D証書,印左成三十蚊,未有收入先要付出,真慘!之後因為太過滋油,攪到差點遲到,全部人等我一個開考,仲要唔記得帶証書副本,真係樣衰,好彩之前印左一D,但唔齊,我印象中佢係冇叫我帶,可能呢排比較多工要見,我已經撈到亂晒!未開戰已經輸左個陣,所以都冇乜期望!個筆試分三部分,先填一份自我性向評估,之後係推理,唔夠時間做,最後係寫文,以為會係D公函之類,點知係D好哲學性的題目,仲要好空泛,一時間真係唔知點寫!我都係照自己的諗法去寫,考完就算,唔諗咁多!

仲有十日,呢十日內搵到工的機會有幾多?