再遊科大

繼星期一之後,今日又要踏足科大,印象中從未試過一星期入面去兩次科大,好似突然間好有緣咁!今日見呢份個職位高過星期一見的那份,所以唔駛比人覺得我屈就去做咁,不過相對之下難度又高左!去到先考筆試,用電腦,一去到就見到另一應徵者好勤力咁狂打,我似寫緊paper咁,我起初以為佢係職員,原來係一個好強勁的對手!之後面試佢又在我前面,見左勁耐,我諗我見既時間係佢的一半左右,雖然今次表現不過不失,恐怕又要再一次certify!

見左咁多份都唔得,我覺得雖然大部分係自己的問題,但有時明明表現得都算唔錯,都冇機會再進一步,有幾份仲要係我見完冇幾耐又再出招聘廣告,究竟係咪真係要表現完美先可以搵到工?做份普通文職jer,點解可以同搵份教席一樣咁難?我真係唔信個個求職者表現都咁完美,我更加唔信自己真的一無是處……..