與時間有仇

今日D時間好似同我有仇咁……本來五點補習,出門口前半個鐘收到電話要遲半個鐘,搭緊車差不多到站時話要遲三四個字先得,所以就在附近商場行下睇下野,差唔多夠鐘就上去,點知個細路仲未返,又再等左差不多兩個字,結果比原定時間遲左一個鐘先開始。走既時候等車,個司機遲一遲都唔肯開車,加埋轉車要等車的時間,前前後後用左一個鐘先返到屋企,攪到趕唔切睇on call的開場。我已經唔想計今日浪費左幾多時間在等,只知道自己的黑仔事件簿又加多一件!究竟我黑左咁耐,會唔會一次過比番D好運我?

尋日收到電話,星期五又要去科大見工,做乜突然同呢度咁有緣?