即興面試

尋日整日留在家,可以清一清D書債,同打埋D補習筆記,不過D時間好似比人偷左咁,好唔見使!

今朝突然收到電話,下晝要去南昌附近見份代課,連續兩個星期四都要去呢個地方,不過呢度好似唔係好利我…….今次又係朝早收到電話下晝就出動,點解D人好似以為我地係坐o係屋企等運到?難道面試都可以即興?好彩今日冇野做,如果唔係又浪費左個機會!今次都問左唔少野,好似見份教席咁,佢仲話之後仲有second in,代課咋喎,駛唔駛呀?不過我覺得機會不太大,而且我都唔希望做到呢份工,因為佢一月先開始,我希望呢日來之前會搵到工!

今日依然咳唔停,呢幾晚都訓得好差,有時仲會呼吸困難,今日仲要在火車上咳到嚇親人,人地可能以為我有肺癆…..

本來今晚的補習又被取消,理由係要預備考試要用d時間來溫書,要考試唔係應該要補多d咩,應該要問多d同做多d試卷,點解反而要停補習?今次仲要停到下月中,算,我都係搵過份好過!