還未習慣

因為人大左
睇o既野多左
明白世界上有d 野極難發生, 極難存在
唔係無
而係人生裡面一種福份
換言之唔係單講苦心經營就會得到

o係愛情之中體驗最深
(先旨聲明, 雖然我未拍過拖,
但係聽苦水, 睇身邊o既人, 道聽途說等等…
乍乍地都可以做一個愛情顧問)

近日身邊有好幾位朋友異口同聲咁分享:
「我越黎越唔知咩係鐘意」
用歌曲黎形容, 就好似陳奕迅o既《粵語殘片》

唔知係咪去到哩個年紀就會無左
無左d 乜?
無左心跳、無左心動、無左衝動、無左手心冒汗
簡單d 講, 無哂d 好單純o既反應, 無左果d 感覺
或者就算有少少, 都會覺得"好假", 唔係"真"
即係哩d 野好唔reliable

我相信哩d "無左" 暗示我地進入人生o既另一個階段
或者可以叫"化", 或者可以叫"睇通左", 負面d 可以叫"妥協左"
今晚同German 傾開哩樣野
我講左一句大家都覺得中point o既:
「其實哩d 係咪叫做… 唔再相信真愛?」
(好可悲呀呵? 我未拍過拖已經唔再想信真愛. well, 或者啦)

其實真唔真愛, 相當於一般人區分"愛情" 同埋"感情"
愛情係一種感覺, 瘋狂、神魂巔倒o既一種感覺;
感情代表o既係兩人相處o既默契、習慣
所謂話"感覺唔係真", 只不過係明白兩個人要長相廝守,
重點並不在於大家之間有無"愛情", 反而重點係"感情";
同時間明白, "愛情" 反而會傷害雙方極深
o係"愛情" 裡面只有期望、要求、消磨、失望、否定;
只有o係"感情"裡面先有認識、溝通、忍讓、習慣

面對住哩個"進入另一個階段", 面對住哩種轉變
我係感到茫然

其實始終希望自己還有心跳; 但係知道不再可能的了…

陳奕迅的《粵語殘片》
http://www.youtube.com/watch?v=CzOYGk8J-d0