06/24/2010

近排心態好大起大落, 之前我地層樓換左新老細, 個個都驚,驚俾人炒,驚俾人勁摔數,到佢正式上任,個個都好小心做野, 已佢—新老細當然要下馬威, 每個星期起碼有一日要集合全部人一齊開會, 成百人,好似開talk show咁, 每個team head都要報數, 講下自己手下有幾叻,跑到幾多數, 聽聞保險公司係咁樣開會, 心唸我地唔係保險公司呀

之後佢就要開戶口同事每天早上9點正,要站在reception位置迎賓加歡迎語, 頭幾天都有客人覺得好有新意, 問係咪向大陸偷師, haha…

老細要求我地唔可以成日離開位, 一有客就要禁佢過黎, 唔好要D客等, 佢都冇考慮我地手頭上都有好多客的野要跟, 如放工先跟, 其他部門都放左工, 到時俾客鬧時,又會怪我地唔follow客D野,不如你老細咁得閒, 幫我地follow 下,等我地多d時間嘛

仲有,呢個老細實在實在太親民la, 會親自出黎喊飛, 幫客人拉椅,執垃圾, 你話啦,連阿姐都驚左佢,要勤力d執垃圾, 點解老細可以咁得閒架?

每日反工都好大壓力,好彩,有個大假放, 終於可以忘掉公司的壓力, 努力地吃喝玩樂, 係中國玩左5天,每天都好努力食…食…同食, 結果當然係肥左3磅反香港, 放左13day 假,都要收拾心情反工, 盡力地做referral

終於唸通左, 要係呢行立足,保險同證券牌是必須品,開始要考試, 先考paper 5