上班族

5/5 (六)

原來carousell真係賣到o野……嘩……可以清清倉了！

星期一上YOGA beginner堂﹐隔o左一排上番初班﹐覺得自己進步o左少少﹐唔會好似開頭咁跟唔到(但其實我只係上o左個幾月﹐或者係本身做得到﹐只係太耐冇拉過所以唔習慣)

然後發覺﹐原來已經四月尾五月﹐2018咁快就行o左三份一﹐慶幸自己年頭足緊三分鐘熱度o既一刻去報堂……(如果唔係又要下年先的起心肝囉我估)

五一放假日﹐都冇乜去邊﹐食個tea行下德福……好似好頹咁

星期三四五﹐其實公司真係越來越衰﹐之前都覺得﹐反正去邊打工都差唔多﹐老細唔太干涉﹐有糧出唔洗極ot﹐當係幫下angel就做落去﹐佢係對我唔錯o既(用佢o既方法)

之前有排佢真係好過份﹐我都頂佢唔順……呢排又好番o的……嘩……好難服侍……
不過其實傑仔話齋﹐佢就係咁先可以o係呢間公司做咁耐……

不過上市之後﹐開始睇到高層真面目﹐越了解公司﹐越見到運作背後……呀……
其實我又唔係話佢o岩唔o岩﹐無商不奸嘛。(都係唔好講咁多﹐只能說同佢打工唔係咁happy)

尋晚同同事食飯﹐其實……開頭個陣容都ok﹐之後又加呢個又加o個個……
最後9個人入面﹐有四個人飲酒……ohhhhhhhhhhh……位位$398﹐好貴囉……而且仲要質素一般……哈！

我明明要努力儲錢的……(哭)

早幾日﹐夜晚聽到蟬鳴……即係荔熟/考試季啦﹐以為夏天到了﹐點知轉個頭又涼番！so happy~~~呵呵~~~

p.s.機緣巧合下睇緊套漫畫relife﹐唔係好特別﹐故事ok﹐但值得一看