其實我…

1.其實我…係少人姓,冇乜人姓,唔係冇人姓

2.其實我…好想做職業足球員,可惜細個冇人嘗試栽培下我,所以唯有將希望附托畀個仔

3.其實我…細細個己經有一個人生目標,就係30歲前結婚同生仔,而家總算完成左

4.其實我…仲有一個人生目標,就係去利物浦朝聖,有望係今年完成埋

5.其實我…如果完成埋呢個人生目標,都唔知仲有咩目標…

6.其實我…以前覺得自己由細到大都好黑,年年唔係犯太歲就刑太歲…而家反而覺得i am so blessed

7.其實我…小學讀天主教,堂哥又帶過我去教會,考完會考又去過三育敲門…但都好似被神拒絕咁,再加上我比較重批判精神,令我距離信教好遠好遠

8.其實我…覺得粉嶺真係好遠,荒山野嶺,荃灣好好多

9.其實我…細個覺得我個Kho好怪,成日想等大個轉返做Kau,但而家將個姓傳左畀個仔,我覺得幾特別,係一種羈絆

10.其實我…唔係咁鍾意做地產架咋,總係覺得好唔stable…不過又覺得自己都好適合做地產…@_@”

11.其實我…雖然讀文科,雖然無後悔過讀a-level,但其實我對科學好有興趣,每次見到有霍金或者有關科學既新聞我都會好留心睇,同埋好認真好研究,而且都好鍾意睇discovery同nat geo

12.其實我…已經諗唔到寫咩好…@_@”

13.其實我…細個第一件波衫係巴西作客藍色,大約係96-98年,而家最憎巴西,因為見得太多ronaldo,ronaldinho,adriano,robinho呢d蛋散,一成左名就又hea又縱慾…打親fm用liverpool都賣晒個3件巴星兵

14.其實我…第一件球會波衫係曼魚…講起都覺得羞恥…都好似係96-98既事

15.其實我…當年點解開始捧利物浦,因為裝左有線,睇左97年足總盃對曼魚,畀cantona符碌射入左贏1比0,唔鍾意,所以捧利物浦…後來覺得利物浦好多野同我都好夾,好似註定咁