NoJoMo – 試卷

話說上個月開始巳經要準備12月的考試, 我其一要做的工作係催老師交題目然後執format.

一份試卷由出題目到finalize其實要經A+B+C老師然後再要發出去D都冇問題先至OK, 呢段時間可以長達一個月以上…真係好唔efficient。

話說A老師遲交題目不特止, B老師還要多多要求要A幾番修改, 所以我就不停周旋在A和B之間, 叫完B睇完份卷叫阿A改, 阿A改完叫阿B睇…佢地來回左n咁多次都仲未整好份卷。有次阿B睇完份卷email問我, 邊條邊條題目好似响邊見過, 要我去查吓…其實老師番炒past paper題目唔出奇, 我咪照直答囉, 點知佢好似好surprised咁, 仲要cc比C老師和老板說, 他不鼓勵番炒題目云云…C老師見到個email即刻同我講, 話阿B鬧我喎, 但係我又唔係好覺, 因為我知根本唔關我事, 阿C話佢見到個email, 感覺上我好似變左係出題目果個(阿A), 番炒題目呢事其實佢應該係同A講, 唔知點解佢寫左比我(好明顯我在這件事上involve太多), 又冇cc比阿A。唉, 佢地d騎呢野成日都有架啦, 如果我樣樣都咁上心咁我就會做得好唔開心架勒。我都明白其實C驚我會唔開心, 所以同我傾左一輪。其實我好清楚呢單野唔關我事, 所以人地點講我都唔會唔開心, 而家成個 schedule遲哂, 都係唔關我事架, 所以我一d都冇唔開心。