神秘頭箍

星期一在公司收到份internal mail (在這裡部門之間的書信往來是叫做internal mail, 由mail room中央處理), 竟然是一個頭箍, 幾靚喎, 沒有署名, 只是寫了attention給我。我第一時間便想到我在其他部門的friend, 不過再想深一層他們不會不署名; 至於這裡的同事…應該不會那麼無聊大費周章寄internal mail而不是直接給我…問完一輪, 當然唔係啦! 同事們開始估, 唔通係學生??? 唔通有人暗戀你??? 雖然我都很好奇想知是誰, 不過無從溪考的事我都懶得去想。同事們話, 其實我只是戴過很短時間的頭箍, 所以由此証明這個人應該好留意我。

第二日, 其實我都大致估到係邊個了, 經常接觸的, 就只是dept裡面的人, 在這裡最錫我的, 就只得一個。昨天放工前在走廊遇到, 他好像有東西想說但又說沒有, 我都估到七八成了。

今日他請食野, 我見他出來便跟他說多謝, 他竟問我還有(要多謝什麼) ???不過反應遲鈍的我那時真的一心只是想多謝佢件野食…下午他走出來問我, 收到了沒有, 我下意識就想到是學生要交來的功課 (我又哪會想那麼多呢), 便跟他說未收到, 之後我們的對答:

他: 未收到? 

我: 係呀, 未收到, 一份都冇

我: 5點鐘先deadline嘛, 份功課 (我想這時他才知道我是講緊"功課")

他: 但是我到時巳經走左喇喎

我: 咁聽日先比你啦

對話完後我再想深一層, 其實他可能是指收到個頭箍未, 但係我覺得好攪笑囉, 點解好好地唔直接送給我呢? 唔通佢唔好意思?唔通佢驚我reject佢?

P.S. 其實他巳經是我爸的年紀了, 但是他真的如仔女/學生般錫我, 但我還好像常跟他開玩笑, 真係冇大冇細….看他可以忍住不講到什麼時候, 哈哈哈哈….