Yes, I do

前日知道有個女歌手撞車死左，年紀輕輕o既佢只得26歲，但上天要佢離開發展得唔錯o既事業，離開愛佢的家人和朋友，離開佢的夢想…..
我都係有個疑問，我實在諗唔到上天究竟諗緊d咩？點解要咁快收佢上天堂，個女仔還很想結識一個好男仔，然後結婚，跟住生仔…..佢都未等待到佢想要o既野，就要佢離開呢個人間，是否太殘忍呢？

可以有人解通呢件事我知嗎？係朋友心目中佢係咁樂趣令人喜愛，受著萬千竉愛的人，又不是做過咩傷天害理的事，我還以為只有壞人先會不得好死，但眼見有好多新聞都係講一d好先生好人因不幸死去…..點解表現出黎都係一d好人早死，又唔見話d壞人死左，讚美個天公平？壞人多會逍遙法外，長命過人，又有錢過人…..

我真係想唔明，但如果有得比我揀我都會做一個正直的人，起碼良心好過點。

個個人都會答，上天一定有佢的安排，或者佢覺得那些好人根本係人間玩唔起呢個遊戲！天堂才是屬於佢地的地方。神o既決定又點會比我地估到，只係一切都發生得太突然，我們只係普通人，又怎能接受呢d消息呢？就算我不認識她，都會因為呢件事感到不安和懷疑，但我能做到的只係祈禱和帶著希望的心去看將來，其他的一切都控制唔到，願信心可以增強，對未知的將來抱住樂觀的心態面對。

今日返工時經過一間婚紗店，那間店定時會幫公仔換一d同色調的晚裝婚紗，真係一見傾心。一直都有夢想，夢想自己有一天會著起自己揀的婚紗，和喜歡的人攜手步入人生另一個階段，但可惜呢段日子裏自己都未能找到對的人，令我放心將自己交托比佢….所以我一直都覺得只係一個「夢想」。有這個人會陪我實現我這個夢想嗎？把它變成事實嗎？唔知點解一諗起呢個題目，眼淚就忍唔到流下來，但我不想放棄這個「夢想」，即使這是一個夢想。曾經幻想過有一天會有喜歡的人向我求婚，但很傻的是，我竟然一諗就感動到流淚！因為我覺得太不可思議，會有這一天嗎？真的有嗎？如果這個事實真的發生，我想我只會喊，和不斷say yes I do。