發揚優點

近期沒有甚麼大事發生，應該值得興賀吧！之前咳了兩個星期都已經好了，本來以為要睇多次醫生，依家真係可以慳返！

呢個月發覺自己好似肥左少少，其實可能已經肥左一排，只係無發覺啫，如果再唔埋佢真係會越來越肥呢！自己生得唔高，如果太多肉感會看起來很沉重和唔夠精神！一定唔可以再咁落去了。

現在要注意一下食量，其實唔算多，不過要減少食雜食，太油、太甜和太重口味的食物都選擇唔食，諗住做返少少運動，warm up一下，好讓新陳代謝快返少少，有助滅脂！

阿衡有時都笑我有肚腩仔，比佢講得多都有少少介意，有時佢下下都搵呢樣野黎取笑我真係有d唔開心，所以都有同佢講，不過佢唔太明白我有咩好介意，佢唔明白女仔係好介意人地開口埋口都笑佢肥，佢覺得我做咩咁無信心，佢又唔係因為單單我外表而喜歡我，但我覺得問題唔係講肥瘦咁簡單，係無時無刻都提住令我有點壓力，個個女仔都想人讚美自己，以欣賞角度去看自己，無人會想人地只看到自己的缺點吧？還要迫我笑埋一份是否太殘忍呢？

我都只係想佢多用欣賞角度看我，周不時稱讚下我，讓我歡喜下都得呱？

但佢的朝點都係放係「做乜我咁介意自己外表」……

迫佢要讚我好似我好變態咁…..我個本意都唔係咁…..

我有時見到佢做左d咩好事，都會讚下佢，有時見佢件衫幾靚，又會讚下佢。可能中國人的文化都係咁，眼中只會看到別人的缺失，但別人的優點或者做左d咩好事呢？佢地會覺得係應該o既，但缺失就一定要講出黎，等你去修改！

多d讚美，對方先有推動力令佢進步，但相反，只係不斷重復提出缺失，人變得唔開心，係情緒低落的時候，又點會有正能量去推動做得更好呢？
當然，我唔排除有人會係低潮時識「反彈」，努力發奮希望出人頭地，但都唔係人人受得起，你努力就算得不到回報，都想別人看到你努力吧？也希望有正面的評價吧？

我希望由我做起，多點看別人的好，這會令關係好d，又會令大家都開心d。