信心的累積

有時都會因為自己的負面情緒而影響到阿衡，唔想佢覺得我成日都好愁咁呀。

尋晚約左阿衡睇戲食飯，但我發覺佢拎多左部手機出黎打機，之前佢都怕我覺得佢成日打機架，但明顯尋晚佢拎多左出黎玩，之前我還笑佢玩手機，但見到佢真係玩多左，我反而覺得有點不開心…..

見面的時間過得特別快，如果還玩手機，好似浪費左見面的時間啊，我覺得這都是不重視約會的表現….雖然佢都好快收埋，但硬是覺得佢會心掛掛，好想望下部手機咁…..

容易亂諗野的我，當然會第一時間唔開心啦，個腦開始幻想將來約會只會越來越嚴重，可能第時會有冷場的出現！漸漸會不重視大家相處的時間，溝通都會受影響呢！

我唔知自己有無諗多左，但真係好影響我對將來的睇法，我唔係要佢戒打機，但起碼幾時玩幾時唔可以玩，都應該有一個規範比自己呢。
真係好唔鐘意佢拎部手機出黎係咁reply message，我坐係一旁好似要等甚麼似的，見面時間不多，但還要浪費在這些事情上，那我不如早點回家好了….

阿衡知我唔開心，都同我傾過，佢叫我唔好對佢無信心，無必要要幻想太多一d未發生的事情，但我的確唔開心呢個係事實，我係擔心將來會變得越來越差，真的怕2個人的磨擦因此而起，我唔想見到有一日你冷落我而不懂我的感受…..

我唔係無樂觀去面對過一d事情，以前我都會樂觀去諗，向好方面諗，但現在諗返起，只係我自欺欺人的做法，有時過份活在過去而不知面對現實的人更是悲哀呢！以前我覺得自己有咩唔開心，諗返起以前佢點對我好，信心就自然返哂黎，我執著這一點走過這幾年時間，但事實卻一件件話比我知，從前的事已經是過去式，反而我過份諗得美好，用過去的事去美化現在的事實，帶來卻是無限的悲痛….

到了這個時候，阿衡在我身邊，信心要漸漸從新儲起，對一個人的生活習慣，我要懂得理解，有咩唔舒服感覺，都希望可以讓你知道，擔心都只因我著緊這段關係，希望佢會明白和理解。