幸運遇到你

我覺得自己真係好幸運呀，可以識到一個咁重視我的男朋友，反而我覺得自己帶比佢好多無謂的煩惱，但佢都無唔理我，還對我好好。

上次我唔開心，但諗唔到實際因咩事唔開心，同左阿衡講後，佢就好關心我，問我咩事，我盡量諗下點解我會咁，或者真係太耐無見大家，就算見到都只能講一兩句或者擦身而過…..

所以唔開心左好耐，還未知道幾時可以見面，而阿衡好耐未有計劃見面事宜咁….

不過阿衡真係好重視我，知道我唔開心就即刻同我傾，第二朝明明佢放假都專登約我食lunch。我知道佢心意架，只要令我感受到佢明白我，我的心就會安樂返，好興幸有你陪住我，認識到你真好。

食完飯阿衡還送我返公司，我們係路上談左一陣，你再次比信心我，我的心開始覺得實在了，感受到你的愛一路都無變。

我要永遠都記得你為我做的一切，令我也不斷提醒自己也要一樣對你好^^

尋日星期六我們還約好到沙田新城市的空中花園看燈飾，真的很靚呢！很開心可以和自己愛的人睇咁靚的燈飾，沒有甚麼節目也可以，因為至緊要係你陪住我，去邊度對我黎講都開心^^

我地係新城市行左好多舖頭，你知道我無一件保暖的褸，就陪我四圍試下著，你都試埋一份，我地都玩得好開心，還覺得時間唔夠，好想陪住你耐一d時間…..

我係IT試左件褸幾好看，但很貴呢$1700！阿衡話可能係日本買會平d，但平d都只係真係平d，我諗也要千元啦！不過著過就算了，呢間舖頭其他衫都好靚，是我那杯茶呢！^^

係izzue都看中一件褸，但竟然貴過件日本牌子o既褸，要$2100！係咪痴左線？點解依家d野貴左咁多o既？

今餐我地去左食三哥，阿衡比較重口味，叫左酸辣都要再加辣油，有時望見佢都覺得佢好搞笑，好唔捨得佢唔開心呀^^

還有點點時間我地去左宜家家私玩，係宜家真係有無窮無盡的玩意，我覺得對一個人唔洗成日都掛在口中，行動是很重要的，耐唔耐才講些甜話，我覺得呢d關係才是岩我。

阿衡並唔似我之前d男朋友，佢開朗得黎又有思想，對我的關懷之前都未曾試過，好開心可以識到佢，他是我想要的人^^

係地鐵月台仍然唔捨得走，點解時間總是過得咁快？但真係要走啦….

突然間有個人係我地前面行過望住我地，原來係浩然！佢望住我地笑，阿衡都反應唔來，3個人一齊笑唔知做乜^^"，然後浩然話唔阻我地啦…..個刻真係好突然有少少尷尬，但阿衡都無因為咁而推開我，還拖著我，感覺到你重視我。<br/>

真係好唔捨得離開，我們可以再留耐一點嗎？但願將來我們可以一世咁走落去，永遠都留係大家身邊。

p.s. 公司有很多人都開始問緊阿衡係咪同我一齊，不過我們都有共識保持低調，就算d人點講點問，我地都唔會張揚，佢地明白就可以了，我地唔耐件事放出黎講o既，阿衡還怕我會唔會因為唔專登公開而唔開心，因為好多女仔都想曬幸福麻，但我覺得幸福係自己的感受，只要自己感受到就ok啦^^

順哥為了搵證據證明阿衡追我，還專登係cctv cap圖，影到阿衡送我返公司…^^"，唔洗專登講d咩啦，人地點諗咪點諗囉^^"