自家便當

前兩日開始自已整便當回公司食，買了芝麻沙津醬和冷麵汁，好成功咁整到我鐘意食o既日式冷麵和沙拉！賣相不錯呀，不過份量比我預期中多呢，好彩都食得哂^^，2樣主食都係冷食，食完係咁要去廁所，又好似好易再肚餓咁，下次可能整d熱食加沙拉，應該會好d吧！^^

阿衡知我整野食都好感興趣，第二日我就預留左d冷麵比佢試下，不過佢尋日好多車出，返黎一陣又要再出去啦，根本好少時間停留係局，我想可能天氣轉了，好多人都生病需要叫車吧！

我們都只在FB通訊，差不多返黎係門口又再中招，阿衡話順哥好似未返過黎添！經常係瑪麗「團圓」^^""

下午茶時間佢終於都趕到返黎，問佢d下午茶係咪係雪櫃^^"，我預左一半比佢，佢一食就話好似出街食個d味咁^^，真係開心呀，當然似啦，因為d汁都係買返黎，當然係同街食一樣味啦^^，自家整就整幾多份量都得，而且價錢便宜好多，一支汁都只係$20幾蚊，就可以煮好多次了！

我一開始都怕會唔好味，因為我要求比較低，如果太有要求的人都可能覺得屬普普通通^^"，賣相就一般架乍，不過味道也可以。

有些事我是知道的，一個人是否有重視過你，係佢的態度和小節會睇到，我很開心佢會欣賞我的食物，或者對外人黎講唔係咩特別野，但明知有一個人為你細心留起一些食物和你分享，唔係人人都識得重視和珍惜。記得以前曾經上門整過食物比男朋友食，知道佢不懂煮食，還讓佢試試自己弄，食出的味道也很好呢。

都係個句，唔好亂諗咁多，順其自然啦。

p.s. 阿衡約我去赤柱行下，如果我話佢對我無野，唔知有無人信呢？但連我都唔係好信，因為佢係識咁多個男仔中至怕醜和被動的，但你會感覺到佢的行為，唔係只係朋友咁簡單，不過我一定比佢更被動，而且如果唔做得明顯少少我都唔會令自己相信….不過可能佢都唔太肯定我係咩意思，大家都唔知點咁，唔知點收科呢？