樂觀面對就好&#

尋日阿衡有單TA，知道佢出事真係有d擔心，唔知會唔會比阿sir話，因為聽阿衡講個朝阿sir先提醒佢地要小心楂車，點之一出去就出事了….

呢期多左幾單TA，阿sir一定會加培注意架，一個月都2單實在太多了，而且今次還要我地部車撞到第二間局的車，整花左人地部車，阿sir一定特別關注啦！我見到阿sir都咁都有少少驚，驚真係好大件事，會影響到阿衡，好彩阿衡個人夠樂觀，總之返到局做好哂d文件，唔好令到阿sir麻煩就得啦。我都有幫佢手，但唔敢主動，因為呢d文件工作本來係阿衡要做，我無理由偏心去幫一個人，不過戴sir好好，佢主動叫我下阿衡畫圖，我就快快手幫手整左佢，如果不是，阿衡就要夜晚留係局畫啦，要用好多時間去做，佢專心去做其他工作好了！

戴sir叫阿衡一定要請我食餐飯，咁阿衡一定好樂意咁做o既，結果個晚佢就約我放工去食飯。

可能係一個藉口比佢約我呱，佢都想架啦，差在幾時有機會出聲啫^^"

我地去左灣仔一間食魚生飯地方食，都真係幾好味，雖然係佢請但我都唔會唔貴唔食，有心就得啦，right？^^

食糖水之前去左行陣街先，每次同佢出街都要行下路幫助消化，每次同佢去親邊度都好似好好玩咁，拎起咩上手都笑一餐，完全看不到身邊的人。阿衡好似好想了解我的喜好，成日問我鐘意食d咩，見我拎起上手的東西都會問一餐，好似要知道我的習慣和意見咁，唔知係咪初初男仔都係咁，對一個女仔好奇就自然會去探索她的一切，很想很想去了解對方。係無印良品行左陣，見到我至愛的柚子金柑糖，佢知我鐘意就買啦，還怕我平時返工唔夠食，拎個藍個勢好似要掃貨咁，問我鐘意食咩。咁我又無理由因為佢買比我而癲左，我亦問下佢鐘意食邊d，買左要一齊食^^，阿衡好似無諗過會買咁少，哈哈！唔好眼寬肚窄呀！

又行左UNIQIO行下，見到好多格仔衫，都好靚，忽發奇想問下阿衡邊款好，跟住叫佢試左件上身，又幾靚喎^0^，佢生得黑，著太鮮色會有點怪，試左件我的至愛綠黑格仔，真係好有日本feel！阿衡都明知我生得細粒成日叫我試童裝，其實我身形可以著到童裝至大件的size，如果睇岩真係可以買黎著，會慳唔少^^

之後我地去左五代同糖食糖水，食左香芋冰，幾好味喎，兩個人食一個岩岩好^^，今次好成功無眼寬肚窄。其間我地互相睇對方的相，真係好搞笑，阿衡佢無端端話要我一張相，還用whatapps send左比自己….但個張相靚咩？唔知佢要黎做咩呢？

我們都對對方的一切十分好奇，現在的狀態是否已經進了一大步呢？

阿衡被暫停了車牌，之後個半個月可能要過一d四海為家的生活，希望佢會適應到啦，直至可以拎返個牌為止！要加油呀！

希望我可以令你忘記工作上的失意，多謝你會聽我的說話，亦會認同我。