只信不想

尋日阿衡返完24留係局做野，雖然吳sir係度，但因為佢係休班，所以入黎坐耐d都無人會理佢，加上吳sir又勁忙，根本唔得閒理咁多野，結果個朝我就無咁悶，可以同阿衡一邊傾計一邊做野啦，勁休閒。

放飯時候我們還一齊落街食飯，哈哈，明顯佢係想等埋我一齊去食飯，又問我個飯盒明天食得唔得，其實我都想同佢食飯架，難得佢hea到咁耐陪我，都算係約我啦，是嗎？^^

岩岩遇著剛剛，吳sir和戴sir下午也不在，所以我食飯食到幾耐都無人知，亦無人理^^，同阿衡去左元氣食lunch set，食d咩唔係至重要，重要係同邊個食，每次見親佢，或者約左佢都好，個氣氛真係好輕鬆，而且我們都很健談，有說不完的話題，很久也沒有試過咁，可以做回自己，有人回應我的說話，價值觀差不多的人。我知道我是一個幸運的人，起碼我覺得係，遇到的人都是好人，雖然我對阿衡的了解未算好深，但我相信「物以類聚」，本質差不多的人都會吸引那類的人一起，我亦相信緣份，上天能夠比我們遇上，認識到大家係一種安排，之後係點我地都好難去控制，我也不敢想太多，現在我們相處也很好，有些事情也要時間去溫讓和沉澱，好好讓我想一想，好好享受下自得其樂的樂趣^^

之前唔知因咩事，好容易情緒低落，但後來發現根本係我想太多，根本事情無我想像咁複雜，覺得自己要改善下「想得太多」的習慣，再係咁只會令自己唔開心，我唔想搞到自己唔開心，我本來係一個開心的人，就係因為成日胡思亂想，令自己情緒大起大落，何必呢？？

只要信不要想太多…..

希望我可以做到！