多謝你

尋晚同阿衡傾左好耐，佢主動提起梁凱基撞到我地事件，我問佢係咪好介意人地問起呢？因為我真係好想知佢係咪好介意別人的看法，係咪怕人地誤會佢…..原來佢只係怕我比人講閒言閒語，原來我地都有一個想法，所有野都順其自然就好了，唔洗理其他人點諗，我都唔會理人地點睇。

原來局都開始有人對我地的事估估下，成日都問阿衡好多「假設性問題」，原來男人的世界一樣多是非，不過我對阿衡有信心，佢唔係d是非精，由得d人點講都好，都唔好比人影響到心情。

佢實在講中我想知o既野，很感激他有諗過我的感受，當大家都明白彼此的心意時，心情真係一下子得以舒緩^^，真的很感恩上天有聽到我的聲音^^

一切都順其自然好了，只要我和他覺得舒服就得了。