無信心…

今日心情唔太好，但明明不太好，但係佢前面卻裝到無事，唔敢同佢講，我覺得同佢唔太岩講呢d野，或者因為那些「唔開心」是因佢而起吧。
佢無做過d咩令我唔開心，只係我的內心感到很不安，唔知明天會點，唔知將來會點，唔知道今日的開心，會唔會好快就會一夜消失…..我很消極嗎？我唔知可以同邊個人講，我唔想自己的將來係為別人而得來，我記得本來的自己很有信心，有信心將來的日子會好好的，但自從有了一點點開心的日子到來時，我開始害怕，害怕這只是一時的幻覺，害怕一夜之間所有野都會無哂…..我唔知到時可以點？或者係唔開心一段日子，再從新震作吧。

可能我對自己沒有太大信心，無信心我可以得到幸福…..如果我無這個信心，我又點會得到幸福呢？但我控制不了這個擔心，希望上天會比我安定的心，不要再胡思亂想，好嗎？

尋晚阿衡搵我睇戲食飯，本來是很開心的，但我覺得有些事情令我不太安心……唔知點講，我有時都驚全部事情只係我一廂情願咁諗，我真係好驚只係我一個人咁諗，有時我總覺得阿衡對我可能只係朋友的對待，但佢又周不時約我出去，令我感到很疑惑…..唔知佢想點…..

行去食糖水個時撞到梁凱基，當然我地都好驚訝啦，我講笑話梁凱基咁八，怕唔怕佢問起呀？阿衡個樣有少少尷尬咁，然後話又無咩野，洗咩驚。其實呢個唔係一個好時候去表達佢想法嗎？還是佢真係得「無咩野」呢？還是佢有些緊張，唔知點答呢？

如果我們真係「無咩野」，我們只是普通朋友嗎？如果我們只係普通朋友，我現在是否想太多呢？

一連串的問號…..只係佢有時一個小小的動作，一句普通的說話，就已經令我想了一整天了…..

唔知佢想點，我們這一世也要這樣嗎？

如果不是我咁諗，請不要再對我咁好了，好嗎？