將來未明

感覺到呢個政府已經變左質，好可怕，一個連規則也不守的政府，連戲也懶得做的政府，它，正在治理這個城市…..

我想像唔到將來會係點，以我一人力量還可以點？除了對呢個政府極為失望外，我諗唔到其他野，有些人意識較緩慢的人，佢地可能還覺得呢個決定好正確，可怕o既係，所有的改變都係漸漸的，你所站的界線越set越低的時候，有些奸險的人就會越踏越前，當利益受傷者是他們的時候，這才醒覺是否太遲呢？到時想人幫你？可惜o既係，每個人到時都自身難保，或者對利益受侵犯的事已經越來越麻木，甚至覺得係「正常」！這個社會就越來越可怕了….

旅行….自從回來之後已經開始懷念在台灣的日子，一個人的日子實在很自由，唔知我還能習慣2個人的相處嗎？記得以前自己因為完美主義關係，對一段關係都充滿期盼，一有少少唔如意，都會容易唔開心，如果加上對方也是一種優柔寡斷的人，關係可以幾好你可想而知….

以前自己會將問題放埋一邊，明知不對了，明知一拿出來討論一定沒有好下場，又不能解決甚麼，都會將它收埋，不去理會，但騙到人不能騙到自己，2個人一齊係要相處舒服，溝通到相處得宜，一段空洞的關係，不能有深入少少的話題，已經明顯不是我那杯茶….只係我一路都覺得日後唔會再係咁，一定可以改變，但這個想法明顯唔work，只會越來越辛苦。

何況，我已經感受到自己的地位已經變了，那種愛已經再沒有了…..

多謝上天比左這個機會我學識很多東西，如果我盲目地繼續這關係，相信受害的不只我們兩個人呢。

阿衡有時要24小時工作，有時知道佢無得訓，半夜都要做野真係好辛苦，現在後生可以捱下，但日後又會點呢？真係怕會影響身子呀。佢比我覺得唔同o既地方係佢會同人溝通，而且我們的想法也很相近，不會太靜也不會過份活躍坐不定，不過至緊要都係要鍚自己，無論佢有無錢都係，至緊要識得愛護身邊的人^^

不過我都唔會諗咁多，現在我們又不是一起了，現在沒有壓力多好！日後o既野日後先算啦。