介意你的介意

上星期日之後，個心都有點點不自在，其實男仔是否會介意女仔比自己大呢？我記得以前自己是很介意的，而且自己講到明一定要男仔比自己大才屬正常，但這個想法越來越覺得不合實際，如果你愛一個人，就是因為那個人你才會喜愛，而不是身份證上那個數字，何況又不是相差很大，不過要打破就個諗法實在是一件容易的事，起碼實際上有事實話你知，根本不成問題！

或者只係我諗多左，其實介意的人只是我自己，介意對方的介意….或者對方根本無介意甚麼，是我想多了，幻想全世界人也同我想法一樣，之後還有點不開心，我覺得自己真的很幼稚呢，如果對方真的介意，那有甚麼問題呢？合則來不合則去吧，是嗎？不能強迫別人的想法。

其實我本身已經不再介意了，不竟，只要年紀不是差太多，是在同一個年代就已經可以了。那有那麼完美是同年同月同日出世呢？只要大家夾得來，忘記那個數字，也可以開心溝通到。

有些人是同年或者有一個年紀比自己大的男友，但無人講過一定work，同年或者大過自己也可以不能溝通，一段關係，或者一段友情是否順利，是靠大家是否夾得來，相處是否和洽。以前我不懂，只追求表面上的條件，但忘記實質上自己的需要，現在知道了，但反而卻怕別人嫌棄。

我知道自己擔心甚麼的，如果個天覺得對方是適合的人，自然一切也會順利，如果對方是個成熟的人，他會懂得分析，懂得珍惜。

那晚我們都傾得很投契很開心，佢第一次去食恆河咖哩，我幾年都無食過了，估唔咁多年之後食返，我覺得好味左，或者係選擇問題，揀左d自己岩食的，當然會分外覺得好味啦。我是在講人嗎？其實人也一樣，揀岩了，一切都變得美好，揀錯了，就算相處方法一樣，結果也有很大差別的…..

食完都好飽了，其實食又唔係食太多，我諗個薄餅令到我地好飽吧，不過食都係其次，至緊要個過程愉快，不是嗎？食飽同佢出街行來行去，諗住幫助消化一下，夜晚東大街很靜，但我們傾得特別開心，條街有小強有垃圾又黑都看不見啦，行過華星冰室望到有支裝汽水好想飲，我們就去左7-11搵，又比我地搵到，兩個人飲一支…..個感覺很怪，明明大家不是情侶為何要一齊飲一支？回收玻璃瓶可拎回$1，個一刻很開心一齊分享，點解呢d咁無聊的事也可以咁開心？我真的不知，未試過係做7-11回收，但佢試過，我們又有一個話題講下。
之後去左甜品阿媽食糖水，又係一齊食左個冰，傾左好多計，傾到人地關門，我們便離開了….

那一刻全世界就變得很小，這個世界好像只有我們，我們看不見其他人，想笑就笑想講便講。

他還第一次送我回家，感覺很怪…..我唔知呢個狀況還會持續多久，或者呢d叫「友達以上，戀人未滿」？