對你好

今日又係得返自己一個係office，無所事事的，總要找些事情做吧！

在網上翻看新聞，甚麼也看，比我看到周秀娜的一篇近期專訪。看完呢篇訪問令我諗起很多野，佢比左一諗野o既新方向我，一段關係出現第三個人而分開，有時未必係因為那個第三人，而係我們兩個的問題，永遠都係因為兩個人有問題，才會容下這個人的出現。

我以前成日都講，我希望要一個專一的人，但專一一定係代表好嗎？專一也可以對你不好，所以，應該要搵一個對自己好的人，無論佢出面做咩，你影響唔到亦改變唔到，但呢個人只會對你好，做任何野都想你好，為你著想，這比起靚仔和專一更重要。靚仔和不靚仔也可以不專一，所以那個人如果係對你真心好，已經好重要。

2個人可以係埋一齊，而要長時間keep住好好，大家一定要方向一致，有共同的人生目標，人係會因為時間越耐而成長、變化，如果日子久了，發覺大家的諗法和方向開始不一致，關係轉了，也不能怪誰，如果大家的諗法已經不再相似，要持續一段關係是多麼的難？

或者你搵到一個和現在的你相近的人，她的步伐和你一致，不會給你任何壓力，有誰可以怪你呢？

就算我拍拖，和心愛的人一起，我也希望有自己的私人時間，做自己喜歡的事，愛情也要透氣。幸好我不是一些無左男朋友係身邊就咩都做唔到的人，分開後也不致於旁惶無助，只係由兩個人變成一個人的生活。

現在專心去學習，做運動，這是我的暫時目標，以後係點，就交比上天幫我決定。

p.s. 尋晚約左朋友跑步，從未跑超過多5個圈！可能有人陪伴的感覺係唔同d，我也可以「捱」過呢^^，希望可以keep到啦。