以心相待

有好多野都未必係我想像中咁簡單，當中又有幾多人會明白，又有幾多因由包含左係裏面？每個人都有自己的想法和計劃，又有幾多人真係以心相待呢？

你以為對方真心對待，但實際呢？不敢想像有些人對自己別有用心，到最後發現和自己想法不同，個感覺係難接受的，但呢件事上無人有錯，我唔會話對方有錯，只係有少少失望/失落，點都好，又上了一堂，往後的日子係點仍然無人知，或者可以咁講，當人一抽離時，有很多存在的問題，原本好似盲左咁睇唔見的，因為你的抽離而一一浮現和醒覺，事後還會問自己，「是真的對嗎？」

我相信有很多人明明不能接受，但因為習慣了而費事改變，不過都唔係一個錯，這只是一個選擇，只要你接受到，這個選擇就是岩你的。

每晚的祈禱都會提醒自己，要做對得住良心的事，只要我覺得不對的事，違背原則的事，寧願選擇停下來也不會去想太多，人是有底線的，過了這條底線，你的心自然會覺得唔舒服，這是一個警號，提醒你底線已到，繼續與否你一定要諗清楚。

相信上天的安排，相信只要做人有原則，對的人和對的事一定會找上你，做回自己，充實自己，其實人生裏還有很多精彩的事，不是嗎？

前日放工返屋企，入到LIFT有2個中年人同我講好多謝我等埋佢才關門，原來佢見到我由入大堂開門，都向後望住佢地，視乎係度睇下佢地趕唔趕得切入黎，佢地行得慢又等埋佢入LIFT，話如果大廈多d我呢d鄰居就好了。

我都很突然佢咁講，平時咁做都無諗過有人會專登「讚」我，原來一個人做返自己應做的事，其實係有人會看到和感受到的，那一刻既突然又莫名其妙的開心。

快將學習新事物，希望有所得著，如果有能力的話，都想用多點時間和心機放係呢度，希望一切順利。