新朋友們

尋晚Mic搞左個聯誼食飯會，第一次見到十幾個新朋友仔，一齊去左潮樓食，其實食都係其次，因為我又唔覺得個餐特別好味，不過我好耐都無一次過識咁多朋友仔啦，呢種感覺非常陌生，可能我實在太耐無識新朋友，不過氣氛還算不錯，起碼大家有講有笑，只係冷氣大左少少啫。

無諗過會識到攝影師，廣告製作人，律師，公司秘書，美甲師，銀行業的人…連維他奶公司的人也識到！真係一次過識到不同行業的人呢！成晚聽佢地講工作上遇到o既野，大家好好奇彼此的職業！成晚的氣氛不錯，我們還諗緊下次要搞咩活動，或者踩單車，燒野食，行山…..
希望能夠成為呢班新相識朋友的一份子，我只係抱住一個識多個朋友的心態去對待呢件事，我諗咁樣我會比較開心，首先要做的，是要令自己開心，不是嗎？