從前的日記

看回從前寫給他的日記…..

有甜蜜的，也有不開心的。很興幸在人海中找到你，期望你會對我一直好下去，一直對我像從前初識時的好奇。但期望只係期望，實質上未必係我所想….正如現在我諗通了一點，期望係自己的預期，但你又點知上天會安排d咩比你呢？有失望，因為期望和上天比你的東西有差異，才會令你有失望。

有很多時也因為大家溝通有問題，令到自己很不開心，自己很想去處理它，但總是力不從心，其實真係要雙方面的配合，以我們的成熟度，根本做不到，所以我經常也處於無奈的狀態…..

以前我總會想件事好，總想將件事解決，但漸漸發覺係唔得，只係我一廂情願的事，漸漸，我選擇不看它，不理它，只留係開心快樂的日子裏，一些難題，膠著的事，我都選擇不理，只要今天我們是快樂的…..

但問題總會再出現…..而呢個問題，正正是幾年後會發生的事，有一晚Victor打電話比我，收線後我話比俊知Victor打比我，雖然俊沒有大吵大鬧，但明顯佢係唔鐘意有男仔夜晚打比我，但我都話哂比佢知人地打黎做咩，同我講左d咩(Victor失戀後發覺個女仔原來係騙子)，而且我都講左同Victor識左好多年，比十萬個信心比俊，但似乎俊都係唔開心，自那次後，Victor有時打黎問野還是有甚麼話要說，我都快快講完就收線，半夜一定唔會聽男仔電話，因為唔想令俊唔開心，亦因為珍惜呢段感情。

但幾年後，同一樣野，無論我講甚麼，做甚麼，到鬧甚麼…..都沒有人應和我，好似只係我單方面鬧著，一個無理取鬧的人…..現在我在想，只不過是沒有珍惜而已，我不是叫人斷六親，但有些人有些事的確要識做，何況，我已經投訴過，哭也哭過，但換來又是些甚麼？或者對佢而言，朋友是勝過一切，女朋友算是甚麼？朋友可以有很多，女朋友一個，為何要遷就那一個？交朋友也有自由啊！

我需要的，是一個珍惜我的人，是一個珍惜呢段感情的人，初時我還不斷責怪自己，覺得自己放棄左佢，是自己令佢唔開心，內心很內疚…..但其實佢又做左d咩？我不是要恨誰，因為我還是記得佢的好，佢的溫柔，只係錯在人未夠成熟去面對一d緊要的事…..

我曾為他祈禱，希望上天可以令佢明白，我也希望上天令我的生活更精采，令我放開自己，更了解自己想要些甚麼。

現在的我很好，每日都keep住心情愉快，雖然有時也有失落的時候，但我知將來一定唔會咁，我一定會開心，我會有幸福的日子的。