真誠真心

今日到左西灣河頂更，一直都好怕去第二度頂更，因為對第二個地方唔太熟，怕會做錯野，或者幫唔到咩手。雖然我明知無人會對頂更的人有甚麼期望，只係純粹有個人坐係度幫下手，執頭執尾咁，不過我一向都唔係做野是是旦旦的人，我唔想只係做一個製造麻煩的人，就算無建樹，都不想令人對自己有壞印象。

可能大局真係唔同d，做o既野係有d唔同的，比起自己平時做的有分別的，初時都覺得自己好笨，但後來一步步咁思考下，發覺只要停下來思考下，唔好咁急就會好好多。

中午食飯就回家食，未試過返返下工回家食飯，簡直係天方夜談呀！不過都好趕，除非媽咪煮埋我食，否則回家才煮就用左好多時間啦。始終都係覺得要搭車才算是上班，離家太近無左返工的感覺，感覺唔太好^^"

尋日約左海燕，到佢個間教會做崇拜，個感覺唔錯，幾自在無咩壓迫感，可能未有人接觸過我吧，新嘗試也不錯呀，崇拜期間唱到一些歌，也有所感觸，差點落淚…..腦裏想起很多東西，感激自己的情緒係呢段日子都無太大波伏，以前只要想起對方所做的事，我都會好傷心，傷心到不能返回現實，不斷幻想一些無可能o既野，幻想完了，又進入另一段可怕的思路……

雖然偶然想起他的事都會激動，心裏也會難過，但很快我便振作起來，因為事實已經擺在眼前，問題係大家未能同步，內心的價值觀有所不同…..

你看不到，亦感受不到我的苦惱，整件事上你只以為是我和她的爭議，好似與你無關，我的憂心你會在意嗎？還是只不過以為我在難為你甚麼呢？心中的委屈感不能發洩，陪著你一路走的人，只係一個帶給你麻煩的女子…..

我的心都被咬碎了，還可以帶走甚麼？只有一個自尊的心是全屬我的，但你會在意嗎？

我知道每次提起時，心仍然忍忍作痛…..一種有心無力的感覺。

想起當初的一幕一幕，原來我們已經走得那麼遠的路了，我想要的不是口裏的承諾，所有野都可以感覺到那份真誠。能夠真心為我的人只有一個，我們還在人海茫茫中尋覓對方…..

p.s. 有些事不能著急，要發生的自然會發生，就由上天為我安排為我作主吧。