避免受傷

終於都的起心肝，變賣所有的鏡頭和影相機。

百般的唔捨得，但無辦法，每次用完隻手腕都會好累和痛，證明自己雙手根本無力拎起咁重的機…..

呢兩日都周圍去做交收，雖然有錢收但都幾辛苦，因為每日返工都要check住有無人留言比我，如果有就要比較價錢，再約時間地點。有些合作的買家會樂意到旺角太子呢d中間位交收，但有d真係要我去就佢，今日就係一個例子，其中一個買家不肯到旺角，結果我要由西環走去旺角交收左部機先，再去觀塘搵個買家…..好可憐，我足足行左一個圈….筲箕灣 -> 西環 -> 旺角 -> 觀塘 -> 筲箕灣

但都還可以，起碼以一個理想價錢賣出，辛苦少少都可以o既^^"

唔知點解呢個過程令我好開心，可能係有一種成功感，自己post上網，自己揀買家，傾價錢，約交收時間地點…..好耐都無自己去做一件事，係….係好耐以前，以前以為有男朋友，都會靠佢為我諗好多野，我以為男朋友會是我的依靠，終於都不用自己出力了！終於都有人照顧了！但其實唔係咁，好早之前我都為自己辦事，從來都不靠人，直至有男朋友才以為可以放下，任他們去幫我，其實唔係咁架…..

唔可以再自以為，如果我係困難時佢伸手想幫我，我會十分樂意，而且很開心，如果我想自己解決一些問題，我都想自力親為，身邊的人比意見提點我就可以了。兩個人相處真係要洽度好處，唔好唔理對方之餘，自己仍要保持住一定的獨立能力，不能太依靠，亦不能太自我獨立….

「只要你想的，無可能做唔到，大前提係….只要你想」，我會記住呢句話，唔開心時亦要好好想呢句話，讓自己信心提升。

還有一支鏡頭未賣得出，希望呢幾日會搵到個好價錢，完成後，會再計劃買一台輕便一些的相機，唔想隻手受傷呢。

心也是…..對自己最好的只有自己，連自己都唔愛鍚自己，有邊個會喜歡你？

p.s. 今日打電話去物流組詢問invoice收到未，竟然比個女人留難…..點解要迫我發火呢！？點解明明自己想心平氣和的，到最後要我動火呢？點解個女人咁懶呢？懶都唔係至衰，至衰係佢懶得黎野蠻！呢個部門會收集d invoice交數，但你竟然話比我知你地無呢d資料？你竟然還怪我無問個客貴姓？關咩事呀？我無問就有位你上？唔該，醒目少少啦！我不是白痴，我還有思想，識分辨你想hea我的！

想大我？又唔夠我大，一陣有咩事因為你地無處理好張invoice，令我地要交多左錢，係咪你比先？想大我…..到最後咪又要死死地氣開個file出黎check…check都懶你唔好去死….

又話無收過，後來又比我知道已經比左你！玩呀？

個list都唔update你唔好死多一次？大大聲…..

糧你就識得拎，野你又唔識做，你唔係垃圾係咩？= =