善待自己

尋日約左海燕去太子旺角shopping，買左好幾件衫，可能因為太耐無去，特別見到好多新奇又靚的衣服，實在忍唔住手呀！幸好旺角的衣服不貴，買多一兩件都唔會太心痛，始終靚野好難遇上，一見到而唔貴的話，當然會樂意花錢啦^^

最後買左三件衫，但感覺上已經擁有了很多^^"，也十分盡興呢！

晚飯係rbt食，大家傾傾下就傾左感情事，原本以為自己不會再流淚了，但卻是流得最多的一晚，原本說出的話，已經係腦海中不知想過多少次，但今晚一提卻一發不可收拾。傷心的除了那份心痛的感覺不清散外，當一埋未組織的思維一旦要有組織地說出來時，原來那個影響力是多麼的大！我覺得都係好事來，我可以分出那份心痛的感覺已經是去到甚麼的程度，自己還有這個能力去分析自己已經好返多了，相信還需要少少時間。幸好身邊有支持自己的人，一路都橕著我，令我不至孤苦伶丁….

今日又係好的開始，應該話每天都係好的開始！人生盡會有起有落，每個決定總有佢的原因，人要學懂放開，懂得放手，或者上帝就要我學懂這些，不要怕失去甚麼，將來你得到的並不止如此。放開是一個美好的決定，對他對自己也是，人生漫漫長路我還有很多東西要懂，要去學習。

現在只希望快點康復，開開心心咁過日子，做一些開心的事，重新認識自己。從前都只會為別人著想，苦惱著兩個人的事，但現在我有機會去打理自己了，應該好好珍惜，做多點對自己好的事。